Rannsóknir á íslenska refnum

Ég skrifaðist stundum á við Pál Hersteinsson, og aldrei stóð á svörum frá honum. Alveg sama hvað spurningarnar voru margar eða asnalega alltaf kom svar frá honum um hæl. Talaði við hann í síma 2 sinnum og var það gríðar skemmtileg símtöl. Þó soldið sé liðið frá þá votta ég aðstandendum samúð mína vegna fráfalls Páls.

 

En áframhald á þessum rannsóknum.....tja ég vona að það sé þá fólk með þokkalegan skilning á verkefninu.  Það er ekki alltaf nóg að vera hámenntaður, reynsla af viðfangsefninu er einnig alveg gríðarlega mikilvæg. Gaman væri að vita hverjir það eru sem ætla að halda þessum rannsóknum áfram.  Melrakkasetrið þarna fyrir vestan virðist fara að verða einhver þungamiðja gagnvart refamálum. Sbr útvarpsviðtöl ofl.    Hefur vantað rödd frá Bjarmalandi að mínu mati í umræðuna.  

 

Hvað um þetta þá er tófan núna friðuð nema fyrir ráðnum grenjaskyttum. Menn eru þessa dagana að verja vörp svo tófan klári þau ekki alveg um leið. Hef séð að einhverjum hafa gengið vel í því.  Alveg ótrúlegt hvað fáar tófur eru snöggar að leggja heilu vörpin algerlega í spað.   

 

kv, Sveinn

Refastofninn rannsakaður áfram

Athugasemdir

[Hálfdán H. Helgason (IP-tala skráð) 11.5.2012 kl. 12:39]

Sæll Sveinn

Sú sem stýrir Melrakkasetrinu er Ester Unnsteinsdóttir, nemandi Páls til margra ára. Hún tók að sér að koma Melrakkasetrinu á laggirnar en Páll var verndari þess. Það þarf ekki að óttast að hún hafi ekki skilning á verkefninu og ég hvet refaskyttur til að aðstoða með því að senda henni hræ til rannsókna.

Kannski líka rétt að benda á að tófan hefur ekki verið friðuð heldur eru greiðslur takmarkaðar við refaskyttur á vegum sveitafélaga.

[Birgir Hauksson (IP-tala skráð) 11.5.2012 kl. 13:08]

Sælir

Mér er það í fersku minni þegar að umrædd Ester lét það út úr sér í viðtali að flestir tófuyrðlingar lifðu ekki veturinn af..þannig að ég er alls ekki viss um að vitrænar niðurstöður muni fást út úr þessum fyrirhuguðu rannsóknum hennar...verður sjálfsagt í svipuðum dúr og hjá kellingunni sem er nýbúinn að finna það út með sínum rannsóknum að minkur er sólginn í fisk.

Ég ætla ekki að afhenda eitt einasta tófuhræ í þetta.

Páll heitinn fékk aftur flestar tófur sem ég skaut í mörg ár, og sennilega skaffaði ég honum fleiri hræ heldur en nokkur annar hefur gert.

Kannski rétt að benda Hálfdáni á það að tófur eru friðaðar nema fyrir ráðnum skyttum frá 1 mai - 1ágúst..ætti raunar að vera frá 1 apríl.

Kv BH