Refaveiðar í Mongolíu

 

 

 

Stundum getur verið gaman að kynna sér hvernig aðrir stunda sínar refaveiðar. Oft þá er maður að rekast á aðrar refaskyttur hér á landi og hver er með sína útfærslu að veiðunum. Þó svo að þetta séu sömu aðferðir í grunninn þá hafa þær bara þróast misjafnlega og menn útfært þær eftir staðháttum að fyrri reynslu. 

En svo má líka nota sér netið til að kynna sér fleiri aðferðir við veiðarnar, og ein sú allra mikilfengasta er aðferð Mongóla (Kazakh ) . Þeir búa í fjöllunum í vestur Mongólíu, þar sem þeir viðhalda uppruna sínum, menningu og ævaforni hefð.   Þangað flýðu margir undan ofsóknum sovétmanna í byrjun 20 aldar.  varð það til þess að fólkið varðveitti og viðheldur menningu sinni. Ein sú elsta og sú virðingar mesta hefð,  eru veiðar með Gullörnum (Golden Eagle).  Þessar veiðar hafa verið stundaðar afar lengi, berst milli föður og sonar.  Þeir ná ungunum úr hreiðrunum rétt áður en þeir verða fleygir, fara með þá heim og byrja þjálfunar ferlið sem tekur að jafnaði um 4 ár. Þá eru Ernirnir  tilbúnir að halda út til veiða. Helst vilja þeir nota kvenfuglinn þar sem að hann verður stærri og svo eru þær miklu grimmari.  Hver fugl er um 10 ár með þjálfara/meistara sínum, þá er náttúrann farinn að kalla og fuglinn vill fara að eignast sín afkvæmi, þá verða þeir snuppóttir og óútreiknalegir, þá hafa þeir þann sið að fara uppá hátt fjall gefa erninum rollu og skilja hann þar eftir svo hann geti svo farið frjáls ferða sinna og sinnt kalli náttúrunnar  og komið upp afkvæmum.   Kemur það fyrir að fuglinn komi heim og heilsi uppá fyrrverandi húsbónda, verða það miklir fagnaðrfundir, svo heldur hver i sína átt aftur.

Maður  og fugl deila ávallt bráðinni, þ.e. fuglinn fær ávallt sinn skammt.  Veiðarnar fara fram á veturna, þegar erfiðast er að lifa. Sumrin eru notuð í að safna fitu hjá fuglinum. Veiða þeir bæði refi og úlfa með þessari aðferð, nýta feldinn og kjötið.    

Er þetta ein sú allra magnaðasta aðferð við refaveiðar sem ég veit um og jafnframt sú virðingamesta. 

 Set inn tengil á videó þar sem að er sýnt frá þessum veiðum, mæli hiklaust með að fólk kíkji á þetta, sjón er sögu ríkari.

 

Kv, Sveinn

Athugasemdir

[Brattur, 31.3.2010 kl. 21:54]

Magnað... hreint út sagt...

[Jón Pétursson (IP-tala skráð) 3.4.2010 kl. 02:46]

Gott framtak og góð lesning, ég er líka skráður á refaspjallið, en er ekki nógu duglegur að skrifa þar, en les það nokkuð reglulega. Eins skrifa ég stundum hjá HLAÐ og þá undir Jón Pé.

Ég á pottþétt eftir að skoða bloggið þitt reglulega,

[Jón Pétursson (IP-tala skráð) 3.4.2010 kl. 03:09]

Einu sinni var ég sendur að greni til þess að ná einum yrðlingi sem hafði verið eftir. Þegar ég kom á grenið og hafði legið þar í 15 mínútur sá ég yrðlinginn, hann var snoðinn. Þar sem ég var bæði með haglabyssu og riffil (.243) kveiknaði hugmynd að eiga uppstoppað snoðdýr. Ég var um það bil 90 til 100 metra frá greninu og horfði á yrðlinginn koma upp úr greninu og inn aftur með reglulegu millibili. Eitt sinn þegar hann hvarf niður í grenið þá hljóp ég eins og fætur toguðu með haglabyssuna í átt að greninu og komst í 30 metra færi, og þá kallaði ég á yrðlinginn, hann kom á harða hlaupum út og náði ég honum í einu skoti. Hann er nú tíl sýnis upp í Hlað hér í borg óttans.

[Sveinn Björnsson, 5.4.2010 kl. 20:53]

Sæll Jón

Takk fyrir innlitið og að láta vita.  Ef ég væri staddur á höfuðborgarsvæðinu þá færi ég pottþétt að líta á hann, gaman væri ef þú gætir tekið mynd af honum og sett á síðuna hjá þér. sá nokkrar skemmtilegar myndir þar :)

Já þessi snoðdýr eru svolítið spes.Mitt fyrsta gren sem ég lá á innihélt snoðdýrshvolpa, því miður var ég ekki farinn að brúka myndavél þá. En hef samt skotið snoðdýr síðan, set inná  myndasíðuna hér 2 myndir önnur er af snodýri skotið í nóvember mánuðu og hin síðan í september síðastliðinn, þar sést hvernig þetta er afar vel. Frétti svo í dag að snoðdýr hefði verið skotið í sveitinni hjá mér fyrir nokkrum dögum er að reyna að redda mér mynd af því.

kv, Sveinn

[Morri (IP-tala skráð) 18.4.2010 kl. 21:29]

Nú var skotið dýr nýlega hjá ykkur.... hvar var það og hver var að verki??