Viltu komast í grenjavinnslu?

 

Sælt veri fólkið.

Gleðilegt sumar               

 

Oft kemur upp sú umræða um hvort hægt sé að selja mönnum veiðileyfi á refaveiðar, og þá hvort það séu einhverjir sem langar að greiða fyrir að fá að  fara með mönnum á greni.  Hvað haldið þið kæru lesendur?

 

Ég sé fyrir mér að þetta yrði þannig að áfram verði ráðnir menn til grenjavinnslu, en þeim væri gefið svigrúm að mega taka með sér “gestaskyttur”. Greiðsla til grenjaskyttna frá sveitarfélagi væri þá föst krónutala á dýr, og ráðna skyttan væri með alla ábyrgð á því að grenið verði fullunnið.  Þar sem að þetta er í raun og veru vargeyðsla þá finnst mér ekki úr vegi að sveitarfélagið greiði fyrir hvert unnið dýr áfram þó að grenjaskyttur skröpuðu fáeinar aukakrónur við að taka með sér menn sem greiða fyrir að fá að fara með. Líklegt er að þeir sem myndu koma í þetta þyrftu að kaupa sér gistingu og eitthvað matakyns og mundi þá sveitarfélagið hljóta góðs af því á þann veginn.

 

En þetta er allt útfærslu atriði. Gallinn við þessa veiði er kanski sá að ekki fæst ætt kjöt uppúr þessu. En þá fer maður að spá í silungsveiðinni, þar er mesta sportið að fara í veiða/sleppa ár. Ekki eru þeir þá að veiða í matinn. Þannig að afhverju ætti ekki að vera áhugi hjá mönnum að komast í þessa veiði?  

 

Svo má einnig gera þetta með vetrarveiðina.

 

En gaman væri að fá skoðanir hjá sem flestum hér í commentin að neðan. Hvort sem menn hafi íhugað að fara þessa leið , eða hvort menn hafi áhuga á að komast í svona veiði.

Svo síðast en ekki síst hafi einhver reynt þetta eða skoðað væri gaman að heyra frá þeim.

 

Kv, Sveinn

 

Athugasemdir

[Víðir Jónsson (IP-tala skráð) 29.4.2011 kl. 15:40]

Sæll, þetta er ekki vitlaust hugmynd. Líka gott fyrir menn sem hafa áhuga á refaveiðum að fá leiðbeiningar og sýnikennslu á því hvernig refaveiðin virkar fyrir sig - alls ekki gefið að vita það nema af reyndari mönnum. Ég er að fara á greni í vor - þarf samt sem betur fer ekki að borga fyrir það.

[sveinn bj (IP-tala skráð) 4.5.2011 kl. 01:06]

Sæll Víðir, takk fyrir að vera duglegur að commenta hérna :)

En já held einmitt að margir hefðu gaman af að koma og fá að kynnast því hvernig skal nálgast og veiða refi. Held samt að margir hefðu líka gaman af að koma með seinniparts sumars, þegar maður fer að fara í heiðina að brúka flautuna. Sá refur sem hefur komið næst mér þegar eg var að gagga með flautunni  að hann kom í 1 mtr færi. Hann kom aftan að mér og ég varð ekkert var við hann fyrr en að alltí einu þá heyrði ég i einhverjum fyrir aftan mig sem var eitthvað voða móður, þegar ég leit við þá var þar mórauður refur alveg blísperrtur....allavega í nokkrar sek þangað til að ég reif upp byssuna og....

[Víðir Jónsson (IP-tala skráð) 5.5.2011 kl. 15:43]

hehe voru þið svipað hissa þegar þú snerir þér við :) Gastu snúið þér við til að sjá hann, þurftiru ekki að skjóta um leið ?

[Morri (IP-tala skráð) 22.6.2011 kl. 12:56]

Er hægt að fá að komast í grenjavinnslu hjá þér þetta árið eða er allt uppbókað. 

Hefði gaman af því að komast á eins og 2-3 greni í viðbót :) heh