Uppáhalds fugl tófunnar

Sælt veri fólkið.

Jæja videoið hjá þeim frændum hefur vakið mikla lukku og vonandi verður meira af þessu.

 

En hver er uppáhalds fugl tófunnar? þetta er spurning sem kom fram hér í commenti. Þessu er kanski ekki alveg auðsvarað. Ætli það sé ekki fugl sem er hér allt árið og þá kemur nú rjúpan sterk inn. Og í farfugla flórunni þá er það gæsin. En má kanski nefna í því sambandi að þær veiða kanski meira af gæsarungum en fullorðnum gæsum. En svo má kanski bæta við skógarþresti, alla vega á mínu svæði í heiðunum í kelduhverfi þá koma þær voða mikið heim á grenið með skógarþresti og unga þeirra.  Svo getur þetta verið breytilegt eftir landsvæðum á öðru svæði er þessu kanski öðrvísi háttað, sjálfsagt má setja fýlinn í fyrsta sæti sumstaðar. Væri nú gaman ef einhver sem þetta les er með aðra reynslu eða vitneskju þá má endilega commenta um það.  En svo ber að nefna eggin, tófan safnar alveg gríðarlegu magni af eggjum, ÖLL egg sem hún finnur tekur hún, oftast fer hún með þau og grefur þau, og geymir sér framá vetur.  Held að öll egg séu í uppáhaldi hjá henni.

 En alla vega þá er þetta svona í grófum dráttum, og í framhaldi af þessu þá má samt bæta við að tófan er mikill tækifærisinni og hún veiðir/étur allt sem hún kemst í, ef að t.d. gæsinni myndi fækka verulega af einhverjum ástæðum þá myndi þetta breytast fljótt hjá henni þá kæmi eitthvað annað í staðinn fyrir það, tófan er ekki háð neinni sérstakri fuglategund eða einhverju ákveðnu æti. Það er svolítið frábrugðið öðrum dýrastofnum  annarstaðar. Það er þessi gríðarlegi hæfileiki til að aðlagast breyttum aðstæðum, það er t.d. vegna þessa sem menn setja spurningarmerki við friðun tófunar, því tófan getur í raun útrýmt ákveðinni fuglategund eða fuglategundum án þess að það mundi bitna á henni sjálfri. Veit ekki við hvaða aðra dýrastofna er hægt að líkja tófunni við gagnvart þessari gífulegri aðlögunar hæfni.

 

Alla vega ef þið hafið eitthvað til málanna að leggja endilega commenta  á þetta, og eða ef það vakna upp fleiri spurninar þá endilega slá þeim fram, ekki það að ég viti endilega svarið heldur væri gaman að skapa smá umræðu um þetta. 

kv, Sveinn

Athugasemdir

[Brattur, 11.5.2010 kl. 20:13]

Takk fyrir þetta... ég hef oft verið að spá í muninn á tófu og minnki... hef alltaf haldið að minkurinn væri afkastameiri en tófan og meiri hætta á að minkurinn útrými fuglum en tófan... kannski er það bara af því að mér er frekar illa við minkinn... en finnst tófan eiga meiri rétt á að lifa á landinu en hann ... og því til viðbótar... hvað skyldu vera margar villtar tófur á landinu og hvað margir minnkar ?

[svanur (IP-tala skráð) 20.5.2010 kl. 21:05]

Fjöldi refa og minka í landinu er breytilegur vegna óreglulegra sveiflna í stofninum.

Sé refastofninum haldið í skefjum fellur hann ágætlega inn í íslenska náttúru.

Minkurinn er algjört aðskotadýr og óhugnanleg drápsvél sem eirir engu sem hann ræður við. Drepur til að drepa.( Eins og sumir sem ég þekki.) 

Stofnstærðartölur eru svo hreinar ágiskanir, sérstaklega í minknum.

Refastofninn er áætlaður um 10 - 12.000 dýr.

Minkastofninn 12- 20.000 dýr. (Hugsanlega miklu stærri.)